Хор: Аминь. Слава в вышних Богу, и на земли мир, в человецех благоволение. Слава Отцу и Сыну и Святому Духу. Господи, устне мои отверзеши, и уста моя возвестят хвалу Твою. Положи, Господи, хранение устом моим и дверь ограждения о устнах моих. Не уклони сердце мое в словеса лукавствия, да не сотворю дел беззакония. Помяни, Господи, щедроты Твоя, яже от века, и милости Твоя, грехов юности не поставь мне в вину, но по множеству милости помяни мя, Господи. Возлюбил аз служение дома Твоего и место селения славы Твоея. Дому Твоему подобает святыня, Господи, в долготу дний. Хвалите Господа вси народы, похвалите Его вси людие, яко утвердися милость Его на нас и истина Господня пребывает во век. Слава в вышних Богу, и на земли мир, в человецех благоволение.

Диакон или чтец: Воздадим хвалу и исповедание, славу, хваление, превозношение и величание возлюбленному Плоду, происшедшему из чрева Девы и соделавшему память Матери Своей превознесенною и преславною, достопокланяемому Господу, прославившему празднества святых своих и радость о их блаженстве даровавшему тварям, живому и животворящему, иже сладчайшим гласом Своим воздвигает и мертвыя и утешает народ Свой радостнейшим прославлением, Ему подобает слава и поклонение во веки веков.

Хор: Аминь.

Диакон или чтец: Покланяемся Тебе и благодарим Тебя, Содетелю веков и Творче тварей, Тебя, благословенная отрасль, происшедшая от Марии, земли жаждущей, и исполнилась вся земля приятного благоухания Твоего и своим превосходным учением отогнал Ты несносное зловоние нечестия. Приносим Тебе фимиам сей яко священнику Аарону, принесшему Тебе чистый фимиам и отвратившему погибель от народа израильского.