Сонэто 056

Камлы́, нэвэ́ зорья́са ман облэ́,

Буты́р бокха́тыр екх ваврэ́с кама́са,

Сам камлыпна́са дадывэ́с чялэ́,

Нэ атася́ бокха́тыр, хай, мэра́са.

Ададывэ́с тыри́ бокх камады́

Дрэ трэ шука́р якха́, хай, мурдэя́,

Нэ атася́ палэ́ сы хачкирды́,

Бут на́ чярав ла, со́бы рисия́.

Сыр бут бэрша́, екх битыро́ дывэ́с,

Сыр мо́рё машкир брэ́ги надыкхнэ́,

Про брэ́го коли ма́н дужакирэ́с,

Сыр удыкха́спэ го́жэс дуйджинэ́!

Сыр зы́ма битыро́, нэ о лына́й

Трин мо́лы татэды́р, сыр ту ада́й.

Сонэто 057

Сом тыро ро́бо,

Дужакира́ва, сыр кхарэ́са ман,

Ада минуты, сыр кэ ту бэша́в,

Тырэ́ лава́, савэ ухтылла кан.

Мэ на коша́ва тут, дужакира́ва,

Дыкхи́, сыр трэ мардэ́

Мэ киркипна́стыр битыро́ мэра́ва,

Коли́ ту протрадэ́са ман кхэра́л.

Мэ на пучя́ва, са́нас ту конэ́са,

Мэк мро ило́ марэ́лпэ захало́,

Мэ сом тро ро́бо, ма́нгэ на пхэнэ́са,

Кон сы вави́р, кон туса бахтало́.

Камло́ — сыр дылыно́: лэс хохавэ́са,

Нэ ёв патя́ла корорэ́ илэ́са.

Сонэто 058

Дэвэ́л на дэ́ла, ман кэри́ робо́с,

Соб тэ пучя́в, бельвель сыр пролыджя́с?

Пиро́ мардэ́ — конэ́са откхинёс?

Соб ту пало́ сками́нд робо́са джяс!

Дэ́ тэ мэра́в илэ́скирэ бокха́тыр,

Кари́к ками́, урня́са ту псиро́;

Дужакири́ дрэ дукх тут бельвеля́тыр,

Ни ла́в ни паш — мэ, ро́бо сом тыро́.

Джино́м: сан акадя́кэ залыны́,

Со кокори́ кэрэ́са пэ́скэ пла́но,

Камэ́са со, конэ́с? — сан хуланы́,

Ладжя́ тыро́ ило́ нисы́р на ха́на.

Дужакири́ дро а́до,